Cursu avanzáu de Llingua Asturiana n'Uviéu

Les clases van escomenzar el llunes 8 d’abril, nel local de la organización: Conceyu Abiertu, na cai La Gascona 12, baxu A, d'Uviéu, y n’horariu de 19'00 a 21'00 hores, los llunes y miércoles.

El preciu de la matrícula completa ye de 30 euros y pa inscribise nun ye necesaria nenguna titulación o profesión concreta. Sicasí, encamiéntase a les persones que se vayan matricular, que tengan una conocencia básica de la espresión escrita y oral del idioma.

Toles persones interesaes pueden apuntase llamando al 985 22 95 53 o al 645 97 86 60, o bien mandando un mail a la direición: info@exunta.org

Amás, la Xunta pola Defensa de la Llingua Asturiana ye entidá organizadora d’actividaes de formación permanente del profesoráu, poro, esti cursu proporciona creitos homologaos de formación al profesoráu de Primaria y Secundaria a quién lu realice con aprovechamientu.