Sidra

La sidra d'Asturies ensin llingua d'Asturies

Set
28

Hasta’l 5 de payares pue vese nel Muséu de Belles Artes d’Asturies la esposición “Escanciando. Representaciones de la sidra asturiana en las artes plásticas”. Ye una iniciativa del muséu en collaboración cola Conseyería de Cultura, Política Llingüística y Turismu y la Cátedra de la sidra d’Asturies-Universidá d’Uviéu.

Posted By xdla lleer más

La XDLA reclama a Desenvolvimientu Rural, Agroganadería y Pesca un apueste decidíu pol asturianu

Xin
28

El conseyeru de Desenvolvimientu Rural, Agroganadería y Pesca, Alejandro Calvo, afirmó'l 16 de xineru pasáu, na presentación del volume de certificación de la carne de vacunu d'Asturies, que la “diferencia ye una garantía”. Otra manera, el presidente del Gobiernu d'Asturies, Adrián Barbón, señaló esti 23 de xineru en Madrid, nel actu institucional del Día d'Asturies en Fitur, la necesidá d'incorporar la calidá cultural como ún de los principales reclamos del Principáu xunto al paraísu natural. Na Xunta pola Defensa de la Llingua Asturiana (XDLA) tamos d'alcuerdu coles palabres del conseyeru y del presidente. Namás val con mirar al otru llau del Eo con marques como 'Galicia Calidade' -la marca de garantía promovida pola Xunta de Galicia- o pal País Vascu col 'Eusko Label', el sellu de calidá de los alimentos autóctonos.

Posted By xdla lleer más

El patrimoniu llingüísticu tien que ser un factor fundamental dientro de la candidatura de la cultura sidrera

Xin
16

La Xunta pola Defensa de la Llingua Asturiana (XDLA) solicita a la Conseyería de Desenvolvimientu Rural y Recursos Naturales que tenga en cuenta’l vocabulariu tradicional y el patrimoniu llingüísticu dientro de la candidatura de la cultura sidrera asturiana a patrimoniu inmaterial de la humanidá de la Unesco. Nesi sentíu, la Conseyería anunció que diben promocionar la candidatura al traviés de delles actividaes que se van poner en marcha estos díes. La XDLA quier recordar que’l nuestru idioma tien que xugar un papel fundamental en tol procesu porque la llingua ye parte indisociable de la cultura de la sidra, una cultura que s’espresa n’asturianu.

Posted By xdla lleer más

La sidra, un patrimoniu inmaterial que fala asturianu

Xun
06
sidra

El 18 de mayu pasáu la Xunta Xeneral aprobó por asentimientu una Declaración Institucional respaldando una propuesta del grupu parllamentariu de Podemos pa declarar la sidra como patrimoniu inmaterial de la humanidá. Nel testu de la declaración dizse que “la sidra está presente en la vida de los asturianos y asturianas”, que “en el consumo de sidra confluyen elementos fundamentales de la sociabilidad asturiana, indisociables de la identidad de nuestra tierra” y que “la sidra forma parte de nuestra forma de vida...”, amás de facer alusiones a “la cultura de la sidra”, too ello buscando algamar de la UNESCO la reconocencia de la sidra como Patrimoniu Inmaterial de la Humanidá.

Posted By xdla lleer más
Subscribe to RSS - Sidra