toponimia

La XDLA acusa al Conceyu d'Avilés d'incumplir la llegalidá toponímica

Mayu
13
avilés

La marquesina de Les Meanes y los indicadores de la rotonda d'entrada a la ciudá recueyen formes que nun respeten los nomes oficiales

Hai meses, la Xunta pola Defensa de la Llingua Asturiana (XDLA) esixó al Conceyu d'Avilés qu'ordenara modificar el diseñu orixinal de la marquesina de 15 metros de llargor que diba acoyer los servicios de tresporte d’autobuses del barriu de Les Meanes. El motivu yera que'l diseñu orixinal contemplaba recoyer unes lletres xigantes col nome de "Las Meanas", forma única que yá nun existe llegalmente dende'l 2010, cuando col preste de Conceyu y Gobiernu autonómicu'l barriu pasó a ser oficialmente "Les Meanes/Las Meanas". Sicasí, desque s'instaló la infraestructura, nella namás aparez (con unes lletres muncho más pequeñes que les del diseñu inicial) la forma acastellanada "Las Meanas".

Hai que recordar que’l procesu d’oficialización de la toponimia asturiana tien como fin la recuperación de los nomes tradicionales, polo que nun vemos meyor forma de visibilizar y poner en valir el nome popular del barriu que poniéndolu nuna de les zones más transitaes de la ciudá. Con too, parez que'l Gobiernu de Pilar Varela nun quier qu'esto pase y que'l nome dáu al llugar polos avilesinos dende hai sieglos ocupe'l sitiu que merez.

A too esto hai qu'añadir que nos indicadores de carretera nuevos instalaos na rotonda d'entrada a Avilés pela autopista aparecen formes que tampoco nun son oficiales, como "Gijón" o "Luanco". Por eso, la XDLA vuelve recordar al Conceyu d'Avilés y a tol equipu de Pilar Varela que tán obligaos a cumplir cola llei, tamién nesta matería. Hai que reseñar que’l procesu de recuperación de la toponimia, onde participen espertos y vecinos, surde por mor del consensu políticu y social qu'existe a favor de respetar los nomes tradicionales. Según esplica la llei, los nomes oficiales nuevos tienen qu'aparecer en tolos documentos y nos carteles indicadores. Por eso, lo contrario -lo que ta faciendo'l Gobiernu del PSOE n'Avilés- ye dir contra la llexislación vixente.

Posted By xdla lleer más

La XDLA esixe al Conceyu d’Avilés que respete la toponimia oficial

Xnt
24
Les Meanes

Depués de la remodelación que’l Conceyu d’Avilés ta faciendo d’ún de los barrios más céntricos d’Avilés, Les Meanes, l’alministración local acaba d’axudicar el proyectu p’asitiar una estructura de 15 metros de llargor que va acoyer los servicios de tresporte d’autobuses de la zona. El diseñu de la marquesina, de la empresa checa de MMCITÉ + A.S., tamién contempla recoyer unes lletres col nome del barriu avilesín. Sicasí, el proyectu nun recueye’l nome oficial del barriu, Les Meanes/Las Meanas, aprobáu col preste del Gobiernu d’Avilés nel 2009 y del Gobiernu d’Asturies nel 2010. El diseñu de la empresa checa namás va tener la opción Las Meanas, forma única que yá nun existe llegalmente.

Posted By xdla lleer más

La XDLA denuncia que los más de los conceyos nun usen la toponimia oficial nes sos propies páxines web

Mayu
02
mapa

Los decretos de toponimia aprobaos afiten que los topónimos asturianos tienen la consideración d’oficiales a tolos efectos.
Depués del requerimientu fechu a toles conseyeríes del Gobiernu del Principáu d’Asturies pol incumplimientu de los decretos de toponimia aprobaos, la Xunta pola Defensa de la Llingua Asturiana (XDLA) pon agora’l focu nes páxines web de los 51 conceyos qu’aprobaron la modificación de la so toponimia y, tres un análisis percompletu, el resultáu ye esmolecedor: namás siete d’esos conceyos utilicen los topónimos oficiales nes sos propies páxines web, al marxe de que tengan o non versiones en llingua asturiana o gallego-asturianu; los otros 44 conceyos incumplen nelles la llegalidá toponímica.

Posted By xdla lleer más

La XDLA presenta requerimientos en caúna de les conseyeríes del Principáu pa que cumplan la llegalidá en materia toponímica

Feb
12
requerimientos

Esti llunes 10 de febreru la Xunta pola Defensa de la Llingua Asturiana (XDLA) presentó nel Rexistu Xeneral Central del Principáu d’Asturies requerimientos formales instando a les Conseyeríes d'Agroganadería y Recursos Autóctonos, de Bienestar Social y Vivienda, d'Economía y Empléu, d'Educación, Cultura y Deporte, de Facienda y Sector Públicu, de Fomentu, Ordenación del Territoriu y Mediu Ambiente y de Sanidá a que cumplan la llegalidá en materia toponímica nos sos respectivos ámbitos competenciales.

Posted By xdla lleer más

La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica

Xin
31
Conseyeru Presidencia

Denúnciense como exemplu más d’un centenar d’incumplimientos nel BOPA y na web del Principáu

Posted By xdla lleer más

La XDLA denuncia la inacción del Gobiernu asturianu na recuperación y usu de la toponimia

Pay
18
topast

La organización cívica va empezar una campaña de denuncies alministratives

Posted By xdla lleer más

La Conseyería d'Educación precariza la enseñanza d'asturianu y incumple la toponimia oficial

Ago
23
El 20 d’agostu pasáu, la Conseyería d’Educación y Cultura daba a conocer la convocatoria d’interinidaes pal cursu 2013-2014. Y los badagüeyos cumpliéronse dafechu. Los recortes y la condena a la precariedá van ser la tónica que’l Gobiernu asturianu escueye pa esti principiu de cursu.
Posted By xdla lleer más

#LesPiragües

Ago
02

¡Pidi col hashtag #LesPiragües que la @TPAnoticias use la toponimia oficial na tresmisión del Descensu!

Les Arriondes, Triongu, Torañu, Lloviu, Ribeseya...

Posted By xdla lleer más

Presentación del Informe sobre l'usu del asturianu na RTPA 2013

Abr
11

La Xunta pola Defensa de la Llingua Asturiana convoca una rueda de prensa esti vienres 12 d'abril, a les 12:30 hores, nel so local de la cai La Gascona 12, baxu A, pa la presentación del Informe sobre l'usu del asturianu na RTPA 2013, documentu que reflexona sobre la situación y perspectives de futuru de la llingua asturiana nel Ente.
 

Posted By xdla lleer más

Casos como la negativa de Fomentu a usar la toponimia asturiana o la Llei Wert muestren la necesidá de la oficialidá de la llingua asturiana

Avi
27
Depués de que’l Ministeriu de Fomentu anunciara que nun diba respetar la toponimia oficial d’Asturies cola sida de que'l nuestru idioma propiu nun tien el reconocimiento de llingua oficial, la Xunta pola Defensa de la Llingua Asturiana (XDLA) afirma qu’esta situación muestra lo anómala que ye la situación llegal de la llingua asturiana, onde la falta d’oficialidá fai que l’aplicación de la Llei d’Usu dependa del interés de l’Alministración de turnu.
Posted By xdla lleer más

Páxines

Subscribe to RSS - toponimia