La XDLA acusa a la dirección de RTPA de poner los medios públicos al serviciu de los sectores contrarios a la normalización del asturianu

Xin
29
rtpa

A pesar de que dende'l nacimientu de la canal pública la Xunta pola Defensa de la Llingua Asturiana (XDLA) vien criticando la presencia curtia de la llingua y la cultura asturiana, qu'incumple a les clares l'Estatutu d'Autonomía, la Llei d'Usu y la mesma Llei de Creación de RTPA, nesti momentu queremos mostrar la nuestra esmolición por delles escenes que se vienen viendo nes últimes selmanes na radio y na televisión públiques. La primera, que RTPA nun informara sobre la rueda de prensa que dio l'Academia de la Llingua Asturiana (ALLA) pa denunciar los ataques hacia'l procesu de normalización del asturianu.

Posted By xdla lleer más

La XDLA acusa a Javier Fernández d'usar l'argumentariu de los sectores ultraconservadores contra l'asturianu

Xin
24
javifer

La Xunta pola Defensa de la Llingua Asturiana (XDLA) quier refugar les palabres del presidente del Gobiernu asturianu, Javier Fernández, qu'esti martes volvió rellacionar la oficialidá del asturianu con "obligaciones" y faló de grupos que quieren usar l'idioma como “factor d'identidá”.. La organización nun ye a entender cómo una persona que se diz progresista ve los derechos cuidadanos como una amenaza, como fixeron y siguen faciendo los sectores ultraconservadores contra derechos como'l divorciu, l'albuertu o la igualdá del colectivu LGTB.

Posted By xdla lleer más

XXXIII Premios Andrés Solar.

Avi
06

La Xunta pola Defensa la Llingua Asturiana anuncia los ganadores de los Premios Andrés Solar na so XXXIII edición. Nesta ocasión el Pegollu foi pal fútbol n’asturianu. El Madreñazu foi pal discursu del odiu y xenófobu de Mercedes Fernández González, de nomatu “Cherines”, presidenta del PP n’Asturies.

Posted By xdla lleer más

La Xunta pola Defensa de la Llingua llogra’l Premiu Juan Ángel Rubio Ballesteros.

Avi
06

La Xunta pola Defensa de la Llingua Asturiana ye la ganadora de la XXIV edición del Premiu Juan Ángel
Rubio Ballesteros convocáu pola Sociedá Cultural Xixonesa.

Posted By xdla lleer más
Posted By xdla lleer más

Proyectu 2018: avanzando hacia’l reconocimientu de la oficialidá

Pay
13

Nesta noticia puedes lleer la tribuna publicada en La Nueva España, na que la XDLA fala de la importancia del reconocimientu de la oficialidá del asturianu y de cómo llogralo cola reforma del Estatutu nel 2018.

Posted By xdla lleer más

¡PARTICIPA NOS PREMIOS ANDRÉS SOLAR, UNVIA LES TOS CANDIDATURES!

Pay
01

Son más de 30 años de Premios Andrés Solar y la Xunta pola Defensa de la Llingua Asturiana, abre a tola xente interesao la posibilidá de proponer candidatures tanto pal Pegollu (el premiu que reconoz a aquella persona o entidá que destacare nesti añu 2017 por normalizar l'usu del asturianu), como pa la Madreña de purpurina (pa quien fixere tolo contrario y fore protagonista d'ataques o desprecios al asturianu).

Les candidatures, razonaes, han unviase enantes del 24 de payares a info@exunta.org y un xuráu va valorar los méritos y escoyer ente toles candidatures presentaes.

L'actu d'entrega de los premios sedrá'l 16 d'avientu en Xixón.

Posted By xdla lleer más

Proyectu 2018: siguen los contactos pa la reforma del Estatutu.

Och
20

Ayeri axuntamos col Secretariu Xeneral de la FSA, Adrián Barbón, per primer vez depués de que nel so congresu declararen y aprobaren el compromisu de la formación de defender la oficialidá del asturianu.

Posted By xdla lleer más

CARRERA POLA OFICIALIDÁ - AVISU IMPORTANTE

Och
10

La Delegacion del Gobiernu n'Asturies acaba comunicanos que deniega'l permisu pa la celebración de la carrera, polo que nos vemos obligaos a suspendela.

Vamos dar orde de devolución de les cuotes d'inscripción a les decenes de persones inscrites y tamos analizando les sides que ponen pa esta prohibición y estudiando acciones pa denunciar lo que nos parez, de mano, una decisión arbitraria de la Delegación del Gobiernu n'Asturies.

Queremos agradecevos la vuestra intención de participar, tanto a les persones que dibeis competir como les que vos ufrierais pa echar una mano na organización y pidimos disculpes polos trestornos que vos cause esta cancelación.

Posted By xdla lleer más

LA XDLA celebra’l pasu dau pola FSA nel camín hacia la oficialidá

Och
04

El domingu foi un día de celebración pa los y les militantes socialistes qu’entienden que nun se pue defender una llingua ensin respetar los derechos de la xente que la fala: una propuesta de la militancia a favor de lluchar por una futura oficialidá de la llingua, defendida nes agrupaciones llocales, algamaba’l preste nel 32º congresu de la FSA-PSOE. La Xunta pola Defensa de la Llingua Asturiana compartió la celebración y felicitó a los protagonistes d’esi alcuerdu. Entendemos l’allegría de sentir que’l to partíu por fin pue ser parte de la única solución aceptable pal conflictu llingüísticu d’Asturies: el reconocimientu de la oficialidá del asturianu y del gallego-asturianu

Posted By xdla lleer más

Páxines

Subscribe to exunta.org RSS