La Xunta pola Defensa de la Llingua Asturiana entama un cursu d’asturianu de nivel básicu n'Uviéu, Xixón y Avilés.

N'Uviéu'l cursu empieza’l martes 3 de marzu, nel local nuevu de l'asociación, na cai Cimavilla 15, escalera A, 1.u C. L'horariu va ser de 19.30 a 21.30 hores, los martes y xueves.

En Xixón, el cursu empieza'l 2 de marzu y va ser los llunes y vienres, de 19 a 21 hores, nel Conseyu de la Mocedá.

N'Avilés, el cursu empieza'l día 2 de marzu, y va ser los llunes y xueves, de 20 a 22 hores, nel IES Carreño Miranda.

Esti cursu tien 20 hores de duración y ta dirixíu sobre manera a persones adultes. Nél, los alumnos y alumnes van poder deprender el bon usu del idioma tanto a nivel escritu como oral.

El preciu de la matrícula completa ye de 30 euros, incluyendo tol material.

Toles persones interesaes puen apuntase mandando un mail a la dirección: info@exunta.org. Nél han indicar el cursu nel que tán interesaes.

Les places son llimitaes y l’últimu día p’apuntase ye’l vienres 28 de febreru.

 

La XDLA ye una entidá acreitada pola Conseyería d’Educación pa la formación permanente del profesoráu.