Noticies

Cursu avanzáu de Llingua Asturiana n'Uviéu

Apr
04

La Xunta pola Defensa de la Llingua Asturiana entama un cursu d’afondamientu llingüísticu pa persones adultes de 20 hores de duración, onde los alumnos y alumnes van poder perfeccionase nel bon usu del idioma tanto a nivel escritu como oral, amás de nes rellaciones ente llingua y sociedá.

El cursu empieza’l martes 11 d'abril, nel local de l'asociación, na cai Cimavilla 15, escalera A, 1.u C. L'horariu va ser de 19.00 a 21.00 hores, los martes y xueves, el preciu de la matrícula completa son 30€.

Posted By xdla read more

XXXVIII PREMIOS ANDRÉS SOLAR

Apr
03

Equí pues lleer el discursu.

Posted By xdla read more

Cursu básicu de Llingua Asturiana n'Uviéu.

Feb
08

La Xunta pola Defensa de la Llingua Asturiana entama un cursu d’asturianu de nivel básicu n'Uviéu.

El cursu empieza’l xueves 16 de febreru, nel local de l'asociación, na cai Cimavilla 15, escalera A, 1.u C. L'horariu va ser de 19.00 a 21.00 hores, los martes y xueves. Esti cursu tien 20 hores de duración.

Posted By xdla read more

La XDLA esixe que se complete la normalización toponímica na rede de ferrocarriles d'Asturies

Feb
08

L’aplicación de CTA, "Conecta", acabante presentase, tampoco nun respeta dafechu los topónimos oficiales.

Posted By xdla read more

La XDLA reclama recoyer nos presupuestos polítiques clares a favor del asturianu y del gallego-asturianu

Dec
22

El casu de Xicu Ilesies muestra les consecuencies de la falta de derechos llingüísticos que sufrimos los asturfalantes

Posted By xdla read more

La XDLA reclama la incorporación del asturianu a les audioguíes del Conventín de Valdediós

Dec
16

La Xunta pola Defensa de la Llingua Asturiana (XDLA) reclama que les audioguíes nueves pa les visites al Conventín de Valdediós incorporen l'asturianu. L'itinerariu, que percuerre los caminos esteriores del conxuntu, pue sentise en castellanu, inglés, francés y alemán, pero non n'asturianu.

Posted By xdla read more

La XDLA reclama que les rutes dixitales de Xixón incorporen l'asturianu

Dec
12

La Xunta pola Defensa de la Llingua Asturiana (XDLA) reclama que la ruta nueva de realidá aumentada del Muséu del Pueblu d'Asturies (MPA) incorpore la llingua asturiana. Esta ruta, dirixida pa la reciella y qu'utiliza a los seres mitolóxicos pa mostrar los espacios del recintu xixonés, ta disponible en castellanu, inglés y francés.

Posted By xdla read more

La XDLA denuncia que RPA lleva ensin emitir el boletín informativu diariu n'asturianu dende'l 27 d'ochobre

Dec
12

·La organización reclama la dimisión de Francisco Orejas y el so equipu directivu énte los pasos atrás de contino nel usu del asturianu en RTPA

Posted By xdla read more

La XDLA critica los pasos atrás daos por TPA nel usu del asturianu

Dec
12

La Xunta pola Defensa de la Llingua Asturiana (XDLA) critica la emisión esti sábadu d'un especial en TPA en castellanu sobre la participación asturiana nel Festival Intercélticu de Lorient, el de más importancia del Arcu Atlánticu y onde esti añu Asturies yera la invitada d'honor. Asina, anque 'Añu d'Asturies en Lorient' tenía'l títulu n'asturianu y los gráficos y la publicidá del mesmu foron nesti idioma, el programa nun yera más qu'un refritu de los reportaxes en castellanu emitíos nel programa 'Conexión Asturias'.

Posted By xdla read more

La Xunta pola Defensa de la Llingua Asturiana denuncia la desapaición del asturianu de La Casa de las Lenguas

Aug
01

La XDLA denuncia otru ataque más a la llingua asturiana dientro de la Universidá d'Uviéu, onde l'asturianu desapaez de la ufierta formativa d'idiomes de La Casa de las Lenguas. La organización alvierte de que, sele que sele, siguen les aiciones escontra la cultura asturiana dende que llegó'l nuevu rectoráu al mandu de la Institución académica.

Posted By xdla read more

Pages