La Xunta pola Defensa de la Llingua Asturiana organiza un cursu d’afondamientu llingüísticu pa persones adultes de 40 hores de duración, nel que los los alumnos y alumnes van poder afondar nel bon usu del idioma tanto a nivel escritu como oral, asina como nes relaciones ente llingua y sociedá.

Pa esti vienres 15 de marzu, a partir de les 20:30h, nel CSOA La Madreña d’Uviéu, l’asociación xuvenil Xunta Moza tien preparaes unes actividaes alredor de la cultura tradicional d’Asturies. Too ye de baldre: trátase d’una xornada na que pue asistir tola xente que quiera deprender un poco más sobre la música asturiana y sobre les propuestes nueves de renovación y análisis que se tán faciendo anguaño.

Esti sábadu 2 de marzu, representantes de la XDLA tarán en Gasteiz pa participar nuna mesa redonda sobre los movimientos sociales n'Asturies.

Antonio Virgili, director xeneral de la RTPA, contestó a la carta que-y mandare la Xunta pola Defensa de la Llingua Asturiana (XDLA) el primeru de febreru pasáu pidiendo que se respetare la llegalidá toponímica nes sos emisiones. Na contestación, Virgili declárase «consciente» del llabor del Ente Públicu como divulgador y promotor de la cultura y la llingua asturiana.