Esta mañana del sábadu 16, bien de xente averó hasta la plaza La Escandalera d’Uviéu p’asistir a la clase d’asturianu na cai qu’organizó la Xunta pola Defensa de la Llingua Asturiana.

El compañeru Nacho González, que foi l’encargáu de poner escuela, aprovechó la ocasión pa sacar alumnos al enceráu a facer exercicios d’ortografía. El conteníu reivindicativu de les frases recordaba a los nuesos representantes políticos les sos responsabilidaes na actual situación marxinal de la llingua asturiana nel sistema educativu.

Esta actividá enmárcase na campaña que la Xunta pola Defensa de la Llingua Asturiana lleva alantre pol reconocimientu de los derechos llingüísticos na educación.

Nos prósimos díes la Xunta dará anuncia de nueves iniciatives llegales y convocatories.

Más información sobre esta noticia.