Militantes de Xunta Moza y estudiantes de la Escuela Universitaria de Maxisteriu ficieron esta mañana un actu reivindicativu consistente nuna clase d’asturianu na cai. La clase fízose delantre les puertes de la Escuela. Esta actividá enmárcase dientro de la campaña contra la esclusión del asturianu de los planes d’estudiu en Maxisteriu y como protesta pola situación de marxinalidá que carez l’idioma propiu d’Asturies na enseñanza.

La seguna de les clases va ponese tamién delantre de Maxisteriu esti xueves día 5 a les 10:30.

El prosimu sábadu día 7 de marzu a les 17:00, na Estación del Norte d’Uviéu, la Xunta convoca una manifestación col lema : La Llingua Asturiana en Maxisteriu y nel Sistema Educativu ¡Como Les Demás!