Dora Vixil, in memoriam

Ayeri, miércoles 27 de mayu, morría Dora Vixil Castañón, con namás cuarenta años. Dora yera amiga nuestra, socia de la Xunta pola Defensa de la Llingua Asturiana dende hai una montonera d’años. Fíxose de la que yera moza, tovía más moza. Cuando tuvo a la so fía, apuntóla tamién a ella como socia de la Xunta.

Con estes ringleres, poques pero sentíes, la Xunta pola Defensa de la Llingua Asturiana quier recordar a Dora y mandar un abrazu bien fuerte a la so familia, a Xurde, a Nora, a Xulio.