El vienres 13 de Xineru la Xunta Moza entamó una folixa hip-hop n’asturianu cola actuación de K-NalóN. El grupu presentó en directu la so nueva maqueta Conciencia Llibre con un soníu trabayáu y contundente y con lletres siempre comprometíes cola realidá del país. Al acabar el conciertu féxose una rifa con materiales del grupu.

Esta selmana pudimos saber que K-NalóN ye ún de los grupos escoyíos pa participar con un cantar nun CD compilatoriu que va editar la publicación Llengues Vives, especializada na actualidá de les llingües minorizaes del suroeste européu.