El programa previstu ye:

A les 11:00, caravana informativa que va percorrer La Felguera, Sama, Ciañu, Sotrondio, Blimea, Los Barreros y La Pola. La cita pa entamar la caravana ye a les 11:00 na estación d’autobuses de La Felguera.

Pela tarde a les 19:00 nel Teatru L’Entregu van actuar: la Banda Gaites Rei Aurelio, l’Agrupación d’Etnografía y Folclore L’Esperteyu, Reciella Mallory (llectura de poemes), Carlos Rubiera col grupu Y los del Bosquín, Cellero (monologuista), Tuenda y Nuberu.

La Caravana pola Oficialidá ye una campaña del CAO que persigue’l fortalecimientu de la reivindicación de la oficialidá de cara a la prósima reforma estatutaria, espardiendo información y afalando al compromisu na defensa del nuesu idioma nos conceyos d’Asturies.